Rydyn ni eisoes wedi rhyddhau dau bodlediad yn ein cyfres byr wrth edrych ar wrthwynebwyr Cymru yn yr Ewros, gyda Slofacia ac yna Lloegr yn cael y sylw.
Heddiw tro Rwsia yw hi, y tîm y bydd Cymru’n eu hwynebu yn Toulouse ar 20 Mehefin yn eu trydedd gêm yng Ngrŵp B.
Fe lwyddodd tîm Leonid Slutsky orffen yn ail yn eu grŵp rhagbrofol, ac mae Owain Schiavone ac Iolo Cheung yn bwrw golwg dros eu carfan gan asesu pa fath o fygythiad allen nhw’i gynnig i Gymru yn y twrnament.
Cofiwch y gallwch chi lawrlwytho’n holl bodlediadau os ydych chi’n teithio draw i Ffrainc – gan gynnwys ein podlediad hirach ag Owain, Iolo a Tommie Collins yn trafod gobeithion Cymru, y newyddion diweddaraf, a rhai o brif dimau eraill y gystadleuaeth.
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
