Parc Gwyddoniaeth Menai: “nifer” o gwmnïau wedi mynegi diddordeb

Diweddarwyd am  


Cynllun Parc Gwyddoniaeth Menai
Mae Prifysgol Bangor yn dweud fod “nifer” o gwmnïau a phrosiectau wedi dangos diddordeb mewn bod yn rhan o ddatblygiad Parc Gwyddoniaeth newydd ym Môn – ond dydyn nhw ddim yn fodlon dweud faint yn union ar hyn o bryd.

Fe gyhoeddodd golwg360 ym mis Ebrill y byddai Ieuan Wyn Jones yn gadael ei rôl yn Gyfarwyddwr Parc Gwyddoniaeth Menai, pa un a fyddai’n ennill sedd Ynys Môn yn yr etholiad brys ar Fehefin 8 ai peidio.

Fe fu yn ei swydd ers 2013, pan adawodd y Cynulliad i ymgymryd â’r rôl newydd.

Dywedodd Prifysgol Bangor wrth golwg360 bryd hynny mai ei fwriad oedd camu o’r neilltu “pan fydd y parc yn dod yn weithredol yn ystod y misoedd nesaf”. Ond wnaethon nhw ddim dweud a fydden nhw’n hysbysebu ei swydd.

Gadael ei swydd

“Yn unol â’r hyn a ddywedwyd yn y datganiad blaenorol, bwriad Mr Jones yw rhoi’r gorau i’w swydd fel Cyfarwyddwr pan fydd y parc gwyddoniaeth yn weithredol,” meddai llefarydd ar ran Prifysgol Bangor wrth golwg360 heddiw.

“Mae’r parc yn parhau i fod ar amser ac, ar hyn o bryd, yn trafod gyda nifer o gwmnïau a phrojectau ymchwil sydd wedi mynegi awydd i symud i’r parc pan fydd yr adeilad cyntaf yn barod yn 2018.

“Bydd cyhoeddiadau ynghylch pa gwmnïau fydd yn symud i’r parc yn cael eu gwneud yn y man.”

O ran dyfodol Ieuan Wyn Jones, meddai’r Brifysgol: “Bydd Mr Jones yn trafod gyda’r Brifysgol ynghylch union ddyddiad diwedd ei gyfnod fel Cyfarwyddwr y Parc Gwyddoniaeth, a bydd datganiad yn cael ei ryddhau i’r perwyl hwnnw maes o law.”

Y parc

Dechreuodd y gwaith o adeiladu’r parc ger pentref y Gaerwen ddiwedd mis Hydref y llynedd, gyda chyhoeddiad y gallai greu hyd at 720 o swyddi newydd yn yr ardal.

Nod y prosiect, a fydd yn derbyn cyllid o £10.8m gan Lywodraeth Cymru, yw creu safle i “sicrhau cyfleoedd gwaith o safon uchel” a “chreu cysylltiad rhwng cwmnïau arloesol a Phrifysgol Bangor.”

Yn dilyn derbyn y caniatâd cynllunio llawn, mae disgwyl i’r gwaith adeiladu orffen yn ystod blwyddyn academaidd 2017/18.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd