RSS

Golwg360

MwyCau 

Ieuan Wyn Jones i adael ei swydd, ennill neu beidio

Ebrill 27, 2017 14:47 Diweddarwyd Ebrill 29, 2017 16:25


Cynllun y Parc Gwyddoniaeth Menai
Mae golwg360 wedi cael cadarnhad y bydd Ieuan Wyn Jones yn rhoi’r gorau i’w swydd yn Gyfarwyddwr Parc Gwyddoniaeth Menai yn ystod y misoedd nesaf – p’un ai fydd o’n ennill sedd Ynys Môn ai peidio.

Neithiwr, fe gafodd ei ddewis i sefyll dros Blaid Cymru yn Ynys Môn yn yr etholiad cyffredinol brys ar Fehefin 8.

Mae Prifysgol Bangor wedi dweud wrth golwg360 mai bwriad Ieuan Wyn Jones ydi camu o’r neilltu “pan fydd y parc yn dod yn weithredol yn ystod y misoedd nesaf”.

Fe ddechreuodd gwaith adeiladu’r parc ar safle ar gyrion pentref Gaerwen, Ynys Môn, ar ddiwedd mis Hydref y llynedd.

Datganiad

“Mae Ieuan Wyn Jones wedi arwain y Parc Gwyddoniaeth yn llwyddiannus drwy’r cyfnod datblygu, a’i fwriad oedd sefyll i lawr fel Cyfarwyddwr pan fydd y parc yn dod yn weithredol yn ystod y misoedd nesaf,” meddai llefarydd ar ran y brifysgol.

“Mae’r prosiect ar amser, o fewn ei chyllideb a chyda rhestr iach o denantiaid posib y mae disgwyl iddynt fod ymysg y preswylwyr cyntaf pan agorir yr adeilad cyntaf wedi iddo agor.

“Mae tîm llawn o staff mewn lle i roi’r gefnogaeth sy’n angenrheidiol er mwyn sefydlu parc gwyddoniaeth llwyddiannus.”

Wnaethon nhw ddim ymateb i’r cwestiwn a fyddan nhw’n hysbysebu swydd Ieuan Wyn Jones.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.