Gogledd Corea: angen datrysiad “diplomataidd a heddychlon”

Diweddarwyd am  


Kim Jong Un, arweinydd Gogledd Corea Llun: PA
Mae Cyngor Diogelwch y Cenhedloedd Unedig yn paratoi at gynnal cyfarfod brys yn Efrog Newydd heddiw i ymateb i’r profion niwclear y mae Gogledd Corea wedi’u cynnal.

Mae datganiad gan Stryd Downing yn ailadrodd eu bod am gael ateb “diplomataidd a heddychlon” i’r argyfwng.

Yn y cyfamser mae gweinyddiaeth Donald Trump wedi rhybuddio y byddai unrhyw fygythiad i’r Unol Daleithiau neu eu cynghreiriad yn golygu y bydden nhw’n ystyried “ymateb milwrol sylweddol”.

‘Argyfwng’

Daw’r cyfarfod heddiw wedi i lywodraeth Kim Jong Un gynnal eu chweched prawf ar ddyfais niwclear.

Dywedodd llefarydd ar ran Prif Weinidog y Deyrnas Unedig – “ein ffocws yw gweithio gyda phartneriaid i gynyddu pwysau ar Ogledd Corea ac i ddod o hyd i ddatrysiad diplomataidd i’r argyfwng.”

Ychwanegodd y llefarydd fod yna sancsiynau pellach y gallen nhw eu hystyried.

De Corea – tanio taflegrau at y môr

Mae Gweinyddiaeth Amddiffyn De Corea wedi cyhoeddi eu bod wedi tanio taflegrau at y môr heddiw er mwyn paratoi ar gyfer ymosodiad posib ar brif safle arbrofi niwclear Gogledd Corea.

Maen nhw hefyd yn dweud ei bod yn debygol bod yr awdurdodau yn Pyongyang yn cynllunio ar gyfer profion pellach yn y dyfodol – a’r rheiny’n brofion sy’n ymwneud, o bosib, â thaflegrau ICBM (Intercontinental Ballistic Missile) sy’n gallu teithio mwy na 3,240 o filltiroedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd