Ymgeisydd Pontypridd yn cefnu ar y Democratiaid Rhyddfrydol

Diweddarwyd  

Mae ymgeisydd y Democratiaid Rhyddfrydol sydd wedi gorfod camu o’r neilltu ffel rhanno ddêl gyda Phlsid Cymru a’r Gwyrddion, wedi cyhoeddi y bydd yn ymladd sedd Pontypridd yn annibynnol.

Mae Mike Powell yn gynghorydd ar Gyngor Rhondda Cynon Taf, ac wedi cynrychioli’r blaid mewn etholiadau cyffredinol droeon. 

Ond yn sgil cytundeb â Phlaid Cymru a’r Gwyrddion, mae wedi cael ei orfodi i beidio â herio Pontypridd yn enw’r Democratiaid Rhyddfrydol. 

Bellach mae wedi cefnu ar y blaid ac wedi dweud y bydd yn sefyll yn annibynnol. Yn siarad â golwg360 mae’n mynnu na fydd yn rhannu’r bleidlais ‘aros’.

“Mae’r aelodau a chefnogwyr Democratiaid Rhyddfrydol yr ydw i wedi siarad â nhw i gyd wedi … bod yn gryf eu barn,” meddai.

“Os na fydd gyda nhw rhywun fel fi i bleidleisio amdano, fyddan nhw ddim yn pleidleisio. Felly fyddai pleidleisiau ddim yn cael eu rhannu. Fyddai dim byd i’w rhannu!”

Yn ogystal â phleidleisiau cefnogwyr ei hen blaid, mae’n gweld ei hun yn derbyn pleidleisiau “pobol Llafur a Cheidwadwyr sydd wedi’u dadrithio”.

Dyw’r ymgeisydd ddim yn medru dychmygu dychwelyd i’w hen blaid.

Plaid Cymru’n herio’r sedd

Yn etholiad cyffredinol 2017 mi safodd ym Mhontypridd gan ddod yn bedwerydd (â 1,963 pleidlais).

Fflur Elin fydd yn cynrychioli Plaid Cymru â’r pleidiau ‘aros’ yn yr etholaeth eleni, ac mi safodd hithau hefyd yno dwy flynedd yn ôl – Mi ddaeth yn drydydd â 4,102 pleidlais.

O ystyried canlyniadau’r etholiadau diwethaf, onid ond yn deg bod y Democratiaid Rhyddfrydol yn camu o’r neilltu? “Nac ydy”, yw’r ateb gan Mike Powell. 

“Mae’n etholiad hollol wahanol, ac mae’r cefndir iddo yn hollol wahanol,” meddai. “Dydyn ni ddim yn siarad am yr etholiad diwethaf. Rydym yn siarad am aros yn yr Undeb Ewropeaidd.

“Mae’r nifer o aelodau newydd sydd gan y Democratiaid Rhyddfrydol yn Rhondda Cyno Taf hynod o uchel. Mae wir yn. 

“Mae gennym broffil uwch a gwell, wrth ddadlau tros aros yn yr Undeb Ewropeaidd. Ac mae llawer o bobol yn fy nabod i [am sefyll tros hynny].”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones