Plymiwr awyr hynaf Cymru i “adrodd” stori’r Swffragetiaid

Diweddarwyd  
Dilys Price

Dilys Price

“Mae’n rhaid i ni atgoffa’n hunain yn gyson o’n gorffennol ein hunain,” meddai deilydd record byd a gafodd ei magu yn Abertawe.

Yn 86 mlwydd oed, Dilys Price yw plymiwr awyr benywaidd hynaf y byd a dros y penwythnos hwn, mi fydd hi’n llysgennad mewn digwyddiad arbennig, PROCESSIONS, yn y brifddinas i ddathlu canrif ers i ferched gael yr hawl i bleidleisio.

Gan ddechrau yn Stadiwm Pêl-droed Dinas Caerdydd rhwng 2 a 2.30 ddydd Sul, mi fydd hi’n ymuno â degau o filoedd o fenywod eraill ar orymdaith i Barc Bute – taith dwy filltir o hyd.

“Stori”

Mae Dilys Price yn “hynod o gyffrous” am orymdaith ddydd Sul (Mehefin 10) ac yn edrych ymlaen at gael y cyfle i “adrodd” stori’r Swffragetiaid trwy’r digwyddiad.

“Mae’n rhan o hanes ein cenedl,” meddai wrth golwg360. “Stori a fydd yn helpu ni fod yn bositif, a dewr, am y pethau iawn.

“Rydym yn byw mewn oes lle rydym yn cael ein bombardio gyda gwybodaeth, ac mae’n pennau’n llawn gwybodaeth. Felly mae’n rhaid i ni ail ffurfio’r hanes yma, mewn ffordd wahanol.

“Yn y gorffennol, byddwn ni wedi gwneud hyn trwy straeon a chaneuon, a thrwy eistedd o gwmpas y tân â’n gilydd. Felly rhaid adrodd y stori mewn ffordd wahanol.”

Dilys Price

Mae Dilys Price wedi bod yn neidio o awyrennau ers pan oedd hi’n 54 mlwydd oed ac erbyn hyn, mae hi wedi ‘plymio’ rhyw 1,139 o weithiau.

Ymgais i godi arian ar gyfer gweithgareddau grŵp anabl oedd ei naid gyntaf. “Ges i gymaint o ofn,” meddai am y naid honno.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed