Liz Saville Roberts v Rod Liddle: “Dylai gwawdio’r iaith fod yn drosedd”

Diweddarwyd  

Liz Saville Roberts AS

Llun: Chris McAndrew CC2.0 trwy Gomin Wicimedia

Fe ddylai hi fod yn anghyfreithlon i drin yr iaith Gymraeg â rhagfarn a chasineb, yn ôl Aelod Seneddol Dwyfor Meirionydd.

Mewn dadl yn Neuadd Westminster, mi fydd yr Aelod Seneddol Plaid Cymru, Liz Saville Roberts, yn galw am warchod yr iaith mewn deddfwriaeth.

Daw’r alwad yn dilyn erthygl ddadleuol gan golofnydd The Sunday Times, Rod Liddle, yn lladd ar yr iaith – “yr enghraifft ddiweddaraf mewn traddodiad maith o ddifrïo,” meddai’r Aelod Seneddol.

Ar hyn o bryd mae naw o nodweddion personol yn cael eu gwarchod dan Ddeddf Cydraddoldeb 2010, gydag oedran, anabledd, hil a chrefydd yn cael eu diogelu.

“Gwawd a gwatwar cyson”

“Mae’r llif cyson o wawd, gwatwar a dirmyg y sefydliad y mae’r iaith yn ddioddef dro ar ôl tro yn cael effaith ddofn,” meddai Liz Saville Roberts.

“… Mae ymosod ar yr iaith Gymraeg a thrwy hynny siaradwyr Cymraeg mewn gwirionedd yn drosedd casineb, ond nid yw’r gyfraith yn adlewyrchu hyn.

“Mae cwynion yn cael eu hanwybyddu ar y sail nad yw iaith yn nodwedd warchodedig ac yr wyf yn gobeithio y bydd Llywodraeth San Steffan yn ystyried newid hynny er mwyn sicrhau, yn y dyfodol, na fydd yn rhaid i siaradwyr Cymraeg ddioddef gwawd a gwatwar cyson gan Rod Liddle a’i debyg.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed