Mudiad yn galw am ‘grant brys’ i’r Cymro

 


Mae’r mudiad Dyfodol i’r Iaith yn galw ar Lywodraeth Cymru i roi “grant brys” i unrhyw fenter i brynu ac adfer papur newydd Y Cymro.

Daeth y newyddion yr wythnos diwethaf fod trafodaethau ar y gweill rhwng sawl grŵp i brynu’r papur newydd cenedlaethol Cymraeg gafodd ei sefydlu yn 1932.

Un o’r grwpiau posib sy’n ystyried rhoi cais i brynu’r papur oddi wrth y perchnogion presennol, Tindle, yw grŵp o ardal Dolgellau – ‘Cyfeillion y Cymro’.

Mae’n debyg y bydd unrhyw berchennog newydd yn gofyn am grant gan Gyngor Llyfrau Cymru, ac mae Dyfodol i’r Iaith am weld “cefnogaeth ddigonol” i unrhyw fenter i adfer y papur.

“Byddwn yn galw ar i’r Llywodraeth roi cefnogaeth ddigonol i’r papur ar ei newydd wedd drwy ganiatáu grant sydd o leiaf yn cyfateb â’r nawdd a roddir i Golwg,” meddai Heini Gruffudd ar ran y mudiad.

‘Cyfraniad allweddol’

Byddwn yn gobeithio y byddai modd rhoi grant brys i ddechrau, i’w ffurfioli maes o law drwy’r Cyngor Llyfrau,” ychwanegodd Heini Gruffudd.

“Y Cymro yw’r unig bapur newydd cenedlaethol cyfrwng Cymraeg, ac mae ei oroesiad a’i ffyniant yn cynrychioli cyfraniad allweddol i’n diwylliant ac i fyd y cyfryngau yng Nghymru,” meddai.

Dywedodd llefarydd ar ran Llywodraeth Cymru bod eu cefnogaeth i’r diwydiant cyhoeddi “yn cael ei sianelu drwy Gyngor Llyfrau Cymru a nhw sy’n penderfynu pa deitl sy’n cael faint o arian ac ar ba sail.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer