Cylchgrawn llenyddol newydd?

Diweddarwyd am  


Mae Llenyddiaeth Cymru wedi gwahodd datganiadau o ddiddordeb gan unigolion neu sefydliadau i “weithio mewn partneriaeth ar gylchgrawn llenyddol sy’n adeiladu ar hanes y cylchgronau Taliesin ac Y Neuadd.”

Daw’r cyhoeddiad hwn wythnos ar ôl y newyddion nad oedd Taliesin wedi bod yn llwyddiannus i sicrhau grant gan y Cyngor Llyfrau ar ôl methu penodi golygyddion.

Yn y gwahoddiad, mae Llenyddiaeth Cymru’n dweud ei bod yn “datblygu syniadau ar gyfer y cylchgrawn sy’n cyflawni uchelgais y sefydliad i ddatblygu talentau awduron newydd a phrofiadol.”

‘Ymestyn y gynulleidfa’

Maen nhw hefyd am weld y cylchgrawn llenyddol yn “ymestyn y gynulleidfa sydd i lenyddiaeth newydd ac ehangu’r drafodaeth ar lenyddiaeth a hefyd i osod llenyddiaeth o Gymru o fewn cyd-destun rhyngwladol.”

Bydd y cwmni cenedlaethol yn cyflwyno cais i gronfa Cyngor Llyfrau Cymru ar gyfer ‘cylchgrawn llenyddol cyffredinol’.

Nid oedd Llenyddiaeth Cymru am wneud sylw ar y broses a doedden nhw ddim am gadarnhau os bydd cylchgrawn llenyddol newydd yn dod yn lle Taliesin ac Y Neuadd.

Mae’r broses o gyflwyno datganiadau o ddiddordeb yn cau am 5yh, ddydd Gwener 2 Hydref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd