RSS

Golwg360

MwyCau 

Rhagor o bwerau – ac arian wedi Brexit – galwad Llywodraeth Cymru

Mawrth 30, 2017 08:38 Diweddarwyd am 08:39


Mark Drakeford (Llun teledu'r Senedd)
Yn ôl Llywodraeth Cymru, fe ddylai Cymru gael rhagor o arian wrth adael yr Undeb Ewropeaidd, yn ogystal â rhagor o bwerau.

Fe fyddai’n rhaid cadw at addewidion ymgyrchwyr Brexit y byddai Cymru’n well ei byd ar ôl gadael, meddai’r Ysgrifennydd Cyllid, Mark Drakeford.

Ac fe bwysleisiodd y dylai pwerau Ewropeaidd mewn meysydd fel ffermio, pysgota a’r amgylchedd ddod i Gaerdydd, gan fod y cyfan eisoes wedi’u datganoli.

“Hawl”

“Fe addawodd ymgyrchwyr gadael, nid yn unig na fyddai Cymru’n waeth ei byd, ond y byddai’n well ei byd,” meddai Mark Drakeford mewn cyfweliad gyda Radio Wales. “Mae’n rhaid i’r arian y mae gyda ni hawl iddo ddod i Gymru wedi Brexit.”

Fe fyddai llawer o’r arian hwnnw yn ymwneud â datblygu economaidd a datblygu rhanbarthol ac fe awgrymodd Mark Drakeford mai Llywodraeth Cymru ddylai gael y grym tros y meysydd hynny hefyd.

Mewn meysydd fel ffermio, doedd dim cwestiwn beth bynnag, meddai – doedd hi ddim yn fater o ddod â phwerau’n ôl i Gymru, doedden nhw erioed wedi gadael.

  • Mae’r dadlau’n digwydd oherwydd y Papur Gwyn sy’n cael ei gyhoeddi heddiw i amlinellu’r Mesur Diddymu Mawr i ddadwneud cyfreithiau Ewropeaidd – mae Plaid Cymru hefyd wedi rhoi rhybudd tros rannu grymoedd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.