Castell Aberteifi yn chwilio am reolwr, a’r Gymraeg yn ‘ddymunol’

Diweddarwyd am  
Castell Aberteifi - cartre'r eisteddfod gynta' yn 1176

Castell Aberteifi – cartre’r eisteddfod gynta’ yn 1176

Llun: Jaggry CCA 2.0

Mae’r corff sy’n gyfrifol am Gastell Aberteifi wedi dod dan y lach am hysbysebu am reolwr, ond nad yw’r gallu i siarad Cymraeg yn ddim ond “dymunol”.

Heddiw (Awst 1) yw dyddiad cau derbyn ceisiadau am y swydd Rheolwr Datblygu Busnes, Achlysuron a Digwyddiadau y castell lle cynhaliwyd yr Eisteddfod gyntaf erioed yn 1176.

Mae’r swydd ran amser yn cynnig cyflog o £16,000, ac mae’r disgrifiad yn nodi bod disgwyl i’r sawl sy’n ei chael gyfrannu at y gwaith o farchnata’r castell.

A reit ar waelod yr hysbyseb, mae’r frawddeg: “Mae’r gallu i gyfathrebu yn Gymraeg yn ddymunol.”

Beirniadaeth

Mae grŵp ymgyrchu Cylch yr Iaith wedi ymateb i hyn trwy alw am eglurhad gan Ymddiriedolaeth Cadwraeth Adeiladau Cadwgan.

“Sut all yr Ymddiriedolaeth gyfiawnhau hynny?” meddai Howard Huws, ar ran Cylch yr Iaith.

“Dymunwn glywed sut y gallai penodi swyddog di-Gymraeg wella’r ddarpariaeth ar gyfer ymwelwyr â’r Castell, a’i wneud yn fwy atyniadol i gymunedau cyfagos, ac i ymwelwyr o Gymru a thu hwnt.

“Nid y gwerth gorau am arian fyddai penodi swyddog di-Gymraeg.”  

Cestyll

Daw’r alwad ddiweddara’ hon gan Gylch yr Iaith bythefnos yn union wedi iddyn nhw dynnu sylw at ddarpariaeth Gymraeg castell arall yng Nghymru.  

Mae’r grŵp wedi beirniadu’r Ymddiriedolaeth Genedlaethol am ddarpariaeth Gymraeg Castell Penrhyn ger Bangor, hefyd.

Mae’r Ymddiriedolaeth wedi ymateb i hynny trwy ddweud bod yna “ymrwymiad cadarn yng Nghastell Penrhyn i gynnig profiad dwyieithog o’r radd flaenaf”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?