Enw newydd cwmni glampio yn cynnwys y Gymraeg

Diweddarwyd am  

Rhai o gabanau gwyliau y cwmni

Llun oddi ar dudalen Facebook https://www.facebook.com/pg/seaviewglamping/about/

Mae perchnogion busnes gwyliau yng Ngheredigion wedi penderfynu ailenwi eu cwmni – gan ddefnyddio enw Cymraeg eu fferm y tro hwn.

Roedd cwmni Mountain Sea View wedi achosi dipyn o gythrwfl yn gynharach yn y mis trwy sefydlu eu menter ar fferm Bwlcheinion yn Eglwys-fach. Roedd ganddyn nhw eu tudalen Facebook a’u gwefan, ond dim sôn o gwbwl am ‘Bwlcheinion’ ar gyfyl y rheiny.

Roedd arweinydd Cyngor Sir Ceredigion ymhlith y cynghorwyr oedd wedi mynegi siom tros beidio defnyddio’r enw Cymraeg, yn enwedig gan mai’r rheswm oedd yn cael ei roi oedd fod yr enw Cymraeg yn rhy anodd i’w ynganu i Saeson ac ymwelwyr eraill.

“Fydden ni byth yn newid enw’r ffarm… byth,” meddai Alwyn Jenkins wrth golwg360, “ac mae’r holl fater hyn wedi’n ypsetio i.

“Bwlcheinion yw enw’r ffarm, dyna enw’r busnes ffarmio, a dyw hwnnw ddim yn newid. Mae pobol wedi bod yn cysylltu ar ôl darllen y stori… r’yn ni wedi cael llawer o bobol yn cysylltu…

“Felly, r’yn ni wedi penderfynu newid enw’r cwmni i ‘Bwlcheinion Sea View Pods’, ac r’yn ni yn y broses o setio’r website newydd lan, gan obeithio derbyn ein hymwelwyr cyntaf erbyn y Pasg y flwyddyn yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd