Erthyglau Noddedig

Yr economi gig: galwadau newydd am ddiwygio hawliau gweithwyr

Diweddarwyd  

Mae adroddiad pwysig wedi argymell y dylid creu categori pellach o weithwyr mewn cyfraith cyflogaeth er mwyn atal cyflogwyr rhag cymryd mantais o weithwyr hunangyflogedig.

Cafodd Adolygiad Taylor o Arferion Gweithio Modern ei gomisiynu er mwyn edrych ar y gwahanol fathau o drefniadau gweithio sy’n bodoli yn y Deyrnas Unedig, ac yn benodol i archwilio hawliau cyflogaeth unigolion sy’n weithwyr hunangyflogedig honedig, ond sydd o dan reolaeth busnes penodol – gweithwyr “yr economi gig”.

Daeth hyn yn sgil nifer fawr o achosion Tribiwnlys Cyflogaeth yn erbyn busnesau fel Uber a Deliveroo, cwmnïau a oedd yn honni bod eu gyrwyr a’u rhedegwyr yn gweithio iddyn nhw fel contractwyr annibynnol (yn hytrach na fel “gweithwyr” neu “weithwyr cyflogedig”, sydd â statws uwch mewn cyfraith cyflogaeth) ac nad oedd hawl ganddyn nhw i hawliau sylfaenol fel yr isafswm cyflog a gwyliau ac absenoldeb salwch â thâl.

Bellach, mae Adolygiad Taylor wedi gwneud yr argymhellion pwysig canlynol:

– Bod categori cyfreithiol newydd o “gontractwr dibynnol” yn cael ei gyflwyno er mwyn amddiffyn pobl sy’n hunangyflogedig, ond sydd o dan reolaeth cyflogwr.

– Bod hawl gan yr unigolion hynny i gael isafswm cyflog, o leiaf, pan fyddan nhw’n gweithio.

– Bod tâl salwch statudol yn dod yn hawl cyflogaeth sylfaenol ar gyfer pob gweithiwr.

 

Mae hon yn erthygl noddedig gan ein partneriaith masnachol, cyfreithwyr Darwin Gray.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd