Erthyglau Noddedig

Siop Gwyllt Go Iawn

Diweddarwyd  


Siop Gwyllt Go Iawn
Y diweddaraf mewn cyfres o astudiaethau achos gan
Fforch i Fforc sy’n edrych ar farchnadoedd ffermwyr, siopau fferm a’u cynhyrchwyr. Siop Gwyllt Go Iawn ger Hwlffordd sy’n cael ein sylw nesaf…

Ar ôl sefydlu Gŵyl Bwyd Gwyllt Go Iawn a Chefn Gwlad yn Nhŷ Ddewi, sy’n ceisio annog pobl i fynd allan i gefn gwlad i weld beth all natur ei ddarparu, ehangodd y tîm Gwyllt Go Iawn yn 2009 i agor y Really Wild Farm Shop ym Melin Nant y Coy yn Nhrefgarn ger Hwlffordd.

Mae’r siop fferm yn cael ei rhedeg gan Julia a’i gŵr Brian yn ogystal ag Adam Vincent sy’n ffermio ym Mathri ac sy’n cadw cynnyrch lleol o’r ardal gyfagos, gan gynnwys cig eidion Cymreig a thato sy’n dod o’r caeau o gwmpas y siop.

Yn ôl Julia Horton-Powell, roedd agor y siop fferm yn gam naturiol, “Ar ôl dod yn gyfarwydd ag ansawdd, blas a ffresni cyson bwydydd lleol a welwyd yn yr Ŵyl Gwyllt Go Iawn dros y pum mlynedd diwethaf, roeddem eisiau gallu cynnig bwyd o’r un ansawdd i’n cwsmeriaid trwy gydol y flwyddyn.”

Yn ogystal â chynnyrch lleol mae’r siop fferm hefyd yn rhedeg “Gwener Pysgod” i annog cwsmeriaid i fwyta pysgod gafodd eu dal oddi ar arfordir Sir Benfro.

“Mae’r moroedd o gwmpas Sir Benfro yn llawn digonedd o bysgod o bob math, ond mae’r rhan fwyaf ohonynt yn cael eu hallforio. Rydyn ni’n gwerthu pysgod lleol sy’n cael eu dal ar wialen, yn ogystal â chrancod, cimwch a chregyn bylchog bob dydd Gwener ac amrywiaeth fel pysgod y Teifi a rhai sy’n cael eu pysgota o gwrwgl yn ôl y tymor.”

Yn ôl Sioned Evans o’r ardal “Maen nhw’n hyrwyddo bwyd lleol a phob agwedd ar fywyd cefn gwlad. Y nod yw cael pobl allan i gefn gwlad i chwilota am gynhwysion gwyllt tymhorol a dysgu sut mae eu defnyddio, ac mae’r siop fferm yn cynnal a chefnogi ffermwyr, cynhyrchwyr a physgotwyr lleol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd