Erthyglau Noddedig

Siop Fferm Swan

Diweddarwyd  



Y diweddaraf mewn cyfres o astudiaethau achos gan Fforch i Fforc sy’n edrych ar farchnadoedd ffermwyr, siopau fferm a’u cynhyrchwyr. Siop Fferm Swan ger Corwen sy’n cael ein sylw nesaf…

“Roedden ni eisiau gwerthu’n cynnyrch yn syth i’n cwsmeriaid, a’u haddysgu am fwyd tymhorol” yw disgrifiad Gail Swan o’r hyn a’u hysbrydolodd i sefydlu siop fferm Swan’s. A hithau wedi’i lleoli ar ffordd yr A5104, Corwen i Gaer, agorwyd y siop fferm bwrpasol yn 2003 er mwyn gallu arallgyfeirio ar eu fferm fynydd draddodiadol 240-erw.

A hithau ar agor o ddydd Mercher i ddydd Sul yn gwerthu eidion wedi’i fagu, cyw iâr, wyau buarth a chyn bo hir, porc buarth (anrheg Nadolig annisgwyl i Gail gan ei gŵr), mae’r fferm hefyd yn tyfu llysiau’r tymor a ffrwythau’r berllan ar gyfer y siop. Mae cegin y siop yn cynhyrchu pasteiod, tartenni a chacennau traddodiadol, a phrydau heb atodion ac ychwanegion. Yn ôl Gail, “mae’r arogleuon o’r gegin i’w clywed i lawr y ffordd, sy’n golygu fod ein cymdogion a’r ymwelwyr yn gwybod pan mae’r pasteiod wedi dod allan o’r popty – mae’n hysbysebu gwych.”

Tra bod Gail a Clive yn canolbwyntio ar y fferm, maen nhw’n cyflogi 8 o bobl yn y siop. Mae cwsmeriaid yn cael yr holl newyddion diweddaraf am y fferm o’r bwletinau sy’n cael eu harddangos yn y siop. “Mae tarddiad y bwyd yn bwysig i’n cwsmeriaid ac rydyn ni eisiau rhoi gwybod iddyn nhw beth allan nhw ddisgwyl ei weld yn y siop. Rydw i hefyd yn mynd i ysgolion lleol i addysgu’r plant am eu bwyd ac o ble y daw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd