Achos newydd o glefyd y gwartheg lloerig

 


Mae’r achos cyntaf mewn chwe blynedd o glefyd y gwartheg lloerig wedi ei ddarganfod yn yr Unol Daleithiau.

Ddoe, daeth arbenigwyr o hyd i olion o’r clefyd Enseffalopathi Sbwngffurf Gwartheg (BSE) mewn buwch dros 30 mis oed yn yr Unol Daleithiau.

Dyma’r pedwerydd achos sydd wedi ei ddarganfod yn y wlad yn ystod y ddegawd ddiwethaf.

Ond does dim awgrym fod unrhyw un yn y wlad wedi ei heintio hyd yma.

Wrth i’r newyddion gael ei gyhoeddi ddoe ceisiodd arbenigwyr iechyd bwyd yr Unol Daleithiau dawelu pryderon fod y clefyd wedi cyrraedd cadwyn fwyd y wlad.

Mae arbenigwyr yn mynnu nad y bwriad oedd bwyta’r fuwch beth bynnag.

“Yr hyn r’yn ni’n gwybod yw bod 3,000 o Americanwyr yn marw bob blwyddyn o salwch bwyd a allai gael ei atal, a’r rheiny heb unrhyw gysylltiad o gwbl â chlefyd y gwartheg lloerig,” meddai Sarah Klein o’r Ganolfan Wyddoniaeth er Budd y Cyhoedd.

“Pethau fel E.coli a salmonela – dyna’r clefydau sydd angen ein sylw,” meddai.

Ond mae dau o werthwyr cig mawr De Korea eisoes wedi cyhoeddi nad ydyn nhw’n mynd i fod yn gwerthu cig o’r Unol Daleithiau.

Mae’r Unol Daleithiau wedi bod yn cynnal profion am y clefyd ers blynyddoedd, ers yr achosion eang ym Mhrydain yn y 90au cynnar.

Roedd y fuwch dan sylw, o Galiffornia, yn dioddef o fath arbennig o BSE sy’n tarddu o newidiadau naturiol mewn anifeiliaid – yn hytrach nag yn deillio o fwyta porthiant oedd yn cynnwys darnau o feinwe gwartheg oedd wedi eu heintio â’r clefyd, fel y digwyddodd ym Mhrydain yn y 90au cynnar.

Mae tri achos o BSE wedi eu cadarnhau yn y wlad dros y ddegawd ddiwethaf – gan gynnwys un mewn buwch yn nhalaith Washington yn 2003, yn Texas yn 2005, ac yn Alabama yn 2006.

Mae’r Adran Amaeth nawr yn rhannu eu darganfyddiadau gyda swyddogion iechyd anifeiliaid rhyngwladol yng Nghanada ac ym Mhrydain, er mwyn iddyn nhw hefyd gael asesu’r canlyniadau.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer