Ffilm o Dde Corea yn gwneud hanes yn yr Oscars

 

Gwobrau’r Oscars

Llun: Flickr, Parth Cyhoeddus, CC0 1.0

Ffilm o Dde Corea, Parasite yw’r ffilm gyntaf mewn iaith heblaw Saesneg i ennill gwobr y ffilm orau yn yr Oscars.

Enillodd y ffilm ddychan gan Bong Joon-ho wobrau’r cyfarwyddwr gorau, sgript ffilm wreiddiol orau, a ffilm ryngwladol orau hefyd.

Roedd sawl un wedi darogan y byddai’r cyfarwyddwr o Brydain, Syr Sam Mendes yn ennill ei ail Oscar am gyfarwyddo’r ffilm Rhyfel Byd Cyntaf, 1917.

Roedd Bong Joon-ho i weld mewn sioc ei fod wedi ennill y wobr cyfarwyddo, gan ddweud: “Roeddwn i’n barod i ymlacio ar ôl i mi ennill y wobr am ffilm ryngwladol orau, doeddwn i ddim yn meddwl y baswn i’n ennill dim byd arall.

“Mi fydda i’n yfed tan y bore!”

Mi brofodd 1917 lwyddiant yn y categori sinematograffi, lle enillodd Roger Deakins ei ail Oscar mewn tair blynedd, a dwy wobr arall am sain ac effeithiau gweledol.

Yn y categorïau actio, fe enillodd Joaquin Phoenix y brif wobr am yr actor gorau am ei ran yn y ffilm Joker, a Renee Zellweger y wobr am yr actores orau am y ffilm Judy. Laura Dern oedd wedi cipio’r wobr am yr actores gynorthwyol orau gyda Brad Pitt yn ennill yr actor cynorthwyol gorau.

Ac enillodd Syr Elton John wobr am y gan wreiddiol orau.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones