Coronavirus: nifer y meirw yn Tsieina wedi codi i 25

Diweddarwyd am  

Llun: CCO

Mae nifer y bobl sydd wedi marw o ganlyniad i’r math newydd o firws, coronavirus, yn Tsieina wedi codi i 25 gydag 830 o achosion wedi’u cadarnhau, meddai Comisiwn Iechyd Cenedlaethol y wlad.

Daw’r cyhoeddiad wrth i’r person cyntaf farw y tu allan i dalaith Hubei lle credir yw tarddiad y firws. Bu farw’r dyn 80 oed ar ôl iddo fod yn aros yn Wuhan gyda pherthnasau am ddeufis.

Wuhan yw prifddinas Hubei a dyna le cafodd y firws ei ddarganfod y tro cyntaf fis diwethaf. Mae’r firws yn effeithio’r sustem anadlu.

Mae’r awdurdodau yn Tsieina wedi cyflwyno cyfyngiadau symud mewn o leiaf tair dinas sydd â phoblogaeth o fwy na 25 miliwn o bobol, mewn ymdrech i atal y firws rhag lledu. Mae’r firws bellach wedi lledu i rannau eraill o’r byd yn ystod cyfnod prysur o deithio i ddathlu’r Flwyddyn Newydd Tsieineaidd.

Cafodd un prawf ei wneud yng Nghymru wythnos ddiwethaf ond roedd y prawf yn negatif, meddai Iechyd Cyhoeddus Cymru.

Wuhan

Mae’r orsaf drenau a maes awyr yn Wuhan wedi cael eu cau, gyda’r fferi, trenau tanddaearol a gwasanaethau bws hefyd wedi cau. Mae’r awdurdodau wedi gorchymyn bod trigolion yn gwisgo mygydau mewn mannau cyhoeddus.

Mae’r heddlu’n gwirio cerbydau sy’n dod i mewn i’r ddinas ond nid ydyn nhw wedi cau’r ffyrdd. Fe fydd mesurau tebyg yn cael eu cyflwyno yn ninasoedd cyfagos Huanggang a Ezhou. Mae theatrau, caffis a chanolfannau eraill hefyd wedi cael gorchymyn i gau.

Yn y brifddinas Beijing mae digwyddiadau mawr wedi cael eu gohirio am gyfnod amhenodol.

Fe gyhoeddwyd ddydd Gwener (Ionawr 24) y bydd ysbyty newydd gyda 1,000 o wlâu yn cael ei adeiladu ar frys, yn bennaf i drin cleifion sydd a’r firws. Mae disgwyl i’r ysbyty gael ei adeiladu o fewn pythefnos.

Yn y cyfamser mae Sefydliad Iechyd y Byd wedi penderfynu peidio datgan stad o argyfwng byd eang am y tro.

 

Iechyd

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones