Ymdrechion i atal newid hinsawdd yn “gwbwl annigonol”

Diweddarwyd am  
Cynhesu byd eang

Cynhesu byd eang

Llun: Nasa/Wikipedia

Mae Ysgrifennydd Cyffredinol y Cenhedloedd Unedig, Antonio Guterres wedi dweud fod ymdrechion y byd i atal newid hinsawdd wedi bod yn “gwbwl annigonol” a bod perygl bod y cyfle i atal cynhesu byd eang wedi mynd.

Roedd Antonio Guterres yn siarad ddydd Sul (Rhagfyr 1) cyn Cynhadledd Newid Hinsawdd y Cenhedloedd Unedig (COP25) ym Madrid.

Rhybuddiodd Antonio Guterres bod effeithiau’r tymheredd yn codi – gan gynnwys tywydd eithafol –  eisoes yn digwydd o amgylch y byd.

Dywed fod gan y byd y wybodaeth a’r gallu technolegol i gyfyngu cynhesu byd eang ond fod “ewyllys gwleidyddol yn brin”.

Bydd cynrychiolwyr o 200 gwlad yn ceisio manylu ar y rheolau yng nghytundeb Paris 2015.

Mae trefnwyr yn disgwyl oddeutu 29,000 o ymwelwyr, gan gynnwys 50 pennaeth llywodraethol ar gyfer yr agoriad heddiw (Rhagfyr 2), yn ogystal â gwyddonwyr ac ymgyrchwyr yn ystod y pythefnos nesaf.

Ac mae Antonio Guterres yn mynnu fod ei neges yn “un o obaith, nid anobaith. Mae’n rhaid i’n rhyfel yn erbyn natur ddod i ben ac rydym yn gwybod fod hynny yn bosib”.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones