Jeffrey Epstein: cyhuddo dau swyddog carchar o ffugio cofnodion

 

Jeffrey Epstein

Mae dau swyddog carchar oedd yn gwarchod y dyn busnes Jeffrey Epstein ar y noson y bu farw yn wynebu cyhuddiadau o ffugio cofnodion swyddogol.

Yn ôl y cyhuddiadau sydd wedi’u cyhoeddi yn Efrog Newydd, mae Toval Noel a Michael Thomas wedi’u cyhuddo o fethu â goruchwylio’r carcharor bob hanner awr ac o gofnodi eu bod nhw wedi cwblhau’r hyn roedden nhw i fod i’w wneud.

Yn hytrach na mynd i’w oruchwylio, meddai erlynwyr, fe wnaeth y ddau aros wrth eu desgiau, pori’r we a cherdded o amgylch ardal arall yn y carchar.

Mae lle i gredu bod y ddau swyddog wedi bod yn cysgu ar un adeg.

Dyma’r tro cyntaf i unrhyw un gael ei gyhuddo mewn perthynas â marwolaeth y dyn busnes oedd wedi’i gyhuddo o fasnachu at ddibenion rhywiol.

Yn ôl erlynwyr, fe wnaeth Jeffrey Epstein ladd ei hun ac mae camerâu cylch-cyfyng yn dangos nad oedd unrhyw un arall ar gyfyl ei gell ar y pryd.

Mae cyfreithwyr ar ran Michael Thomas yn dweud ei fod e’n “fwch dihangol”, tra bod cyfreithwyr Toval Noel yn gobeithio dod i gytundeb er mwyn osgoi cyfnod o garchar.

Mae’r ddau yn gwadu’r cyhuddiadau, ac mae disgwyl iddyn nhw gael eu rhyddhau ar fechnïaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones