Brechlyn newydd yn ennill y frwydr yn erbyn Ebola yn y Congo

 

Feirws Ebola

Llun parth cyhoeddus

Mae meddyg sydd wedi helpu i fynd i’r afael â’r clefyd Ebola yng Ngweriniaeth Ddemocrataidd y Congo wedi dweud sut mae brechlyn newydd yn helpu yn y frwydr.

Fe dreuliodd Dr Catherine Houlihan, o Aberdeen, bedair wythnos yn y wlad, lle mae mwy na 2,000 o bobol wedi marw ers i’r achosion cyntaf gael eu nodi.

Mae Dr Houlihan yn credu bod brechlyn newydd, a ddatblygwyd gyda chefnogaeth gan Adran Datblygu Rhyngwladol (DFID) Llywodraeth y DU, wedi helpu i gwtogi ar ledaeniad y firws yn ddramatig, gyda mwy na 200,000 o bobl bellach wedi’u brechu.

Mae’r canlyniadau cychwynnol yn dangos bod y brechlyn a ariennir gan gymorth yng ngwledydd Prydain wedi profi 97% yn effeithiol. Fe laddodd Ebola fwy na 11,000 o bobol rhwng 2013 a 2016.

“Rwy’n credu bod y brechlyn wedi newid llwybr yr achos hwn,” meddai Catherine Houlihan. “Gallem fod wedi cael toll marwolaeth debyg i Orllewin Affrica pe na byddem wedi’i chael.

“Mae’r data’n dangos ei fod yn 97% yn effeithiol. Mae gweithwyr gofal iechyd yn un o’r grwpiau risg uchaf ar gyfer dal Ebola ac mae’r amddiffyniad ychwanegol hwn yn eu galluogi i gyflawni eu rolau yn llawer mwy effeithiol.”

Gwyddoniaeth a Thechnoleg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer