Prif Weinidog yr Eidal yn ymddiswyddo yn dilyn ffrae

 

Giuseppe Conte

Llun: Comin Wicimedia

Mae Prif Weinidog yr Eidal, Guiseppe Conte, am ymddiswyddo yn dilyn ffrae gyda’r gweinidog gartref Matteo Salvini.

Dywed Guiseppe Conte wrth seneddwyr llywodraeth yr Eidal ei fod yn gwneud hyn oherwydd bod Matteo Salvini, ei bartner y glymblaid asgell-dde, wedi tynnu ei gefnogaeth iddo yn ôl.

Fe fydd y Prif Weinidog yn mynd at yr Arlywydd Sergio Matarella yn hwyrach heddiw (dydd Mawrth, Awst 20) i gadarnhau’r penderfyniad.

Fe fydd gan Sergio Matarella, fel pennaeth y wladwriaeth, yr opsiwn i ofyn i Guiseppe Conte i geisio darganfod mwyafrif amgen yn y Senedd, neu dderbyn ei ymddiswyddiad a gweld os gall arweinydd arall greu clymblaid arall.

Os nad yw hyn yn digwydd, fe all yr Arlywydd ddiddymu’r Senedd, gan osod llwyfan ar gyfer etholiad cyffredinol mor gynnar â mis Hydref.

“Anghyfrifol”

Dywedodd Guiseppe Conte fod Matteo Salvini wedi bod yn “anghyfrifol” wrth greu argyfwng gwleidyddol newydd i’r Eidal ar gyfer “buddiannau personol a phleidiol.”

Roedd Matteo Salvini, arweinydd plaid y Gynghrair Genedlaetholgar, wedi cyflwyno cynnig dim hyder yn erbyn y Prif Weinidog.

Dywedodd hefyd na allai weithio gyda’i bartneriaid o glymblaid Five Star mwyach. Ffurfiodd y Gynghrair a’r Mudiad Five Star glymblaid i lywodraethu 14 mis yn ôl gyda Guiseppe Conte yn annibynnol fel prif weinidog.

Daw’r newyddion hefyd yn dilyn dadlau mawr dros groesau llong o ffoaduriaid i’r Eidal. Mae’r llong wedi’i hangori ger ynys Lampedusa ers 19 diwrnod.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer