Saethwr honedig Oslo gerbron y llys

 

Mae dyn sy’n cael ei gyhuddo o ymosod ar fosg yn ninas Oslo, yn ogystal â lladd ei hanner chwaer mewn digwyddiad ar wahân, wedi ymddangos gerbron y llys heddiw (dydd Llun, Awst 12).

Roedd cleisiau a chrafiadau i’w gweld yn glir ar wyneb Philip Manshaus, 21, pan ymddangosodd o flaen ei well am y tro cyntaf ers iddo gael ei arestio ddydd Sadwrn (Awst 10) ar ôl cael mynediad i fosg yn ardal Baerum ym mhrifddinas Norwy.

Yn ôl yr heddlu, fe glywyd gwn yn tanio sawl gwaith y tu fewn i Ganolfan Fwslimaidd Al-Noor, lle’r oedd tri dyn arall yn paratoi ar gyfer gwasanaeth ar y Sul.

Cafodd un person ei anafu cyn i bobol o fewn y mosg ddal y saethwr honedig ar y llawr wrth iddyn nhw aros i’r heddlu gyrraedd.

Fe arweiniodd yr heddlu wedyn gyrch ar gartref Philip Manshaus, lle y daethon nhw o hyd i’w hanner chwaer, 17.

Mae’r heddlu wedi ei gyhuddo o’i lladd, ond dydyn nhw ddim wedi cyhoeddi unrhyw fanylion pellach.

Mae’n debyg i’r awdurdodau yn Norwy fod yn ymwybodol o’r saethwr honedig ers tua blwyddyn, ond doedd ganddyn nhw ddim gwybodaeth gadarn ynglŷn â bwriad ganddo i gyflawni unrhyw ymosodiadau, medden nhw.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones