Rhagor o brotestio ar strydoedd Hong Kong

 

Hong Kong

Llun: Exploringlife CC 4.0 trwy Comin Wicimedia

Mae’r ddeddfwrfa yn Hong Kong wedi gorfod gohirio cyfarfodydd unwaith yn rhagor heddiw (dydd Iau, Mehefin 13) wrth i brotestiadau yn y rhanbarth ddwysáu.

Mae protestwyr wedi bod yn tyrru i’r strydoedd ers rhai dyddiau bellach yn sgil eu hanfodlonrwydd â bwriad y llywodraeth i newid y gyfraith fel bod modd estraddodi pobol i Tsieina.

Mae nifer yn gweld y cam fel bygythiad i annibyniaeth Hong Kong, a gafodd ei drosglwyddo i ofal Tsieina yn 1997.

Bu protestio mawr ar strydoedd Hong Kong ar ddydd Mercher (Mehefin 12) ar y diwrnod yr oedd disgwyl i’r Cyngor Deddfwriaethol drafod y mesur estraddodi newydd.

Bu’n rhaid gohirio’r cyfarfod yn sgil y cynnwrf y tu allan, lle cafodd 70 o bobol eu hanafu.

Mae’r protestio yn parhau heddiw wrth i bobol atal mynediad at drenau a gyrru’n araf ar y prif ffyrdd.

Mae arweinydd Hong Kong, Carrie Lam, wedi dweud bod y protestio yn “annerbyniol” mewn “cymdeithas waraidd sy’n parchu’r gyfraith”.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer