Goruchaf Lys Brasil yn pleidleisio o blaid gwneud homoffobia yn drosedd

 

Baner y gymuned LHDT

Llun: Benson Kua ar Flickr

Mae mwyafrif yn y Goruchaf Lys ym Mrasil wedi pleidleisio o blaid gwneud homoffobia a thrawsffobia yn droseddau yn yr un modd a hiliaeth.

Daw hyn yn sgil pryderon y bydd arlywydd newydd asgell-dde’r wlad, Jair Bolsonaro, yn troi ei gefn ar ddatblygiadau cymdeithasol mewn agweddau tuag at bobl hoyw.

Fe bleidleisiodd chwech o 11 o farnwyr y Goruchaf Lys o blaid y mesur a bydd yn cael ei roi ar waith ar ôl i’r pump arall fwrw pleidlais.

Cafodd hiliaeth ei wneud yn drosedd ym Mrasil yn 1989 ac fe all arwain at hyd at bum mlynedd yn y carchar am droseddau yn ymwneud a hiliaeth.

Yn ôl y barnwyr fe ddylai homoffobia fod o fewn yr un fframwaith a chyfraith hiliaeth nes bod cyngres y wlad yn cymeradwyo mesurau yn benodol ar droseddau homoffobig.

Yn ôl y grŵp hawliau dynol Grupo Gay da Bahia, lladdwyd 420 o bobl hoyw, ddeurywiol a thrawsrywiol ym Mrasil yn 2018, tra bod o leiaf 141 wedi cael eu lladd eleni.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones