Chwech yn y llys am rannu delweddau ymosodiad Christchurch

 
Gwylnos yn Christchurch

Gwylnos yn Christchurch

Llun: Dominic Lipinski / PA Wire

Mae chwech o bobol wedi ymddangos mewn llys yn Seland Newydd ar ôl cael eu cyhuddo o rannu fideo ymosodiad Christchurch yn anghyfreithlon.

Cafodd 50 o bobol eu lladd ar ôl i saethwr danio bwledi mewn dau fosg yn y ddinas y mis diwethaf.

Mae dyn busnes o’r new Philip Arps, 44, a dyn 18 oed yn y ddalfa ers mis Mawrth ar ôl i’r barnwr Stephen O’Driscoll wrthod rhoi mechnïaeth iddyn nhw. Dydi’r pedwar arall ddim yn y ddalfa.

Mae cosb o hyd at 14 blynedd yn y carchar am ddosbarthu deunydd o’r math yma yn Seland Newydd.

Fe fydd Philip Arps yn ymddangos yn y llys eto ar Ebrill 26.

Mae’r dyn 18 oed wedi cael ei gyhuddo o rannu fideo byw o’r saethu ynghyd a llun o fosg Al Noor gyda’r geiriau “targed wedi’i ganfod.” Fe fydd yntau yn dychwelyd i’r llys ar Orffennaf 31.

Mae prif sensor Seland Newydd wedi gwahardd y fideo o’r ymosodiad a’r maniffesto a ysgrifennwyd gan y saethwr Brenton Harrison Tarrant, sy’n wynebu 50 o gyhuddiadau llofruddiaeth a 39 ymgais i lofruddio.

Gwasanaethau Brys

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl