Arweinydd gwrthblaid Feneswela yn ceisio cymorth i’w wlad

Diweddarwyd  
Baner Feneswela

Baner Feneswela

Llun: Wicipedia

Mae arweinydd yr wrthblaid yn Feneswela, Juan Guaido, wedi datgan ei fod yn mynd i helpu pobol y wlad gyda chyflenwad angenrheidiol o fwyd a meddygaeth.

Mewn cyfnod o ddwy flynedd, mae dros ddwy filiwn o bobol wedi gadael y wlad oherwydd cynnydd mewn prisiau nwyddau a diffyg bwyd a meddygaeth.

Mae Juan Guaido, sydd wedi datgan ei hun yn arlywydd dros dro’r wlad, wedi gosod Chwefror 23 fel y dyddiad mae’n gobeithio sicrhau’r nwyddau gan yr Unol Daleithiau.

Er ei fod yn addo hyn, nid oes unrhyw dystiolaeth fod gwasanaethau diogelwch y wlad – sydd â’r pŵer yno ar hyn o bryd – yn gefnogol.

Nid yw Juan Guaido wedi datgelu sut mae’n cynllunio i ddod a’r bwyd a’r feddygaeth o ddinas Cacuta, Colombia, heblaw am alw ar gymorth pobol Feneswela.

Fodd bynnag, fe all hyn argoeli i fod yn benderfyniad peryg o ystyried y sefyllfa dreisgar sydd yno ar hyn o bryd.

Mae o leiaf 40 o bobol wedi cael eu lladd mewn gwrthdaro ers i Juan Guaido ddatgan ei hun yn arlywydd dros dro ar Ionawr 23.

Er hyn, mae Jose Manuel Olivares, cynrychiolydd Juan Guaido sy’n arwain y genhadaeth cymorth o Golombia, wedi cydnabod y risg, gan ddweud y bydd ar flaen y gad ar Chwefror 23 i sicrhau’r cymorth, hyd yn oed os yw’n golygu y bydd eu bywydau mewn perygl.

Yn rhyngwladol mae Juan Guaido wedi ennill cefnogaeth bron i 60 gwlad, gan gynnwys yr Unol Daleithiau a Phrydain, sydd wedi addo $20 miliwn o arian.

Mae Canada wedi datgan ei bod am anfon $53 o arian cymorth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl