Donald Trump yn bygwth datgan argyfwng cenedlaethol

Diweddarwyd am  

Donald Trump

Llun-commons-wicipedia-CC0.jpg

Mae’r Arlywydd Donald Trump wedi bygwth datgan argyfwng cenedlaethol os nad yw’n gallu dod i gytundeb gyda’r Democratiaid i ariannu codi wal ar y ffin a Mecsico.

Roedd wedi treulio’r rhan fwyaf o’r dydd yn Tecsas ger y ffin a Mecsico a’r Unol Daleithiau er mwyn tynnu sylw at yr achos ar ôl i drafodaethau gyda gwleidyddion ddod i ben heb gytundeb.

Mae’r llywodraeth wedi bod ynghau yn rhannol am 20 diwrnod bellach gyda channoedd ar filoedd o weithwyr ffederal ddim yn eu gwaith neu’n gweithio heb dal wrth i’r anghydfod barhau.

Pan ofynnwyd i Donald Trump a fyddai’n cyhoeddi stad o argyfwng dywedodd: “Dw i ddim yn barod i wneud hynny eto, ond fe wna’i os oes rhaid.”

Mae’n dweud y byddai’r cyhoeddiad yn ei alluogi i gael y fyddin i ddechrau adeiladu’r wal.

Mae’r Democratiaid wedi dweud eu bod nhw o blaid mesurau i wella diogelwch ar y ffin ond yn gwrthwynebu codi wal. Mae Donald Trump eisiau $5.7 biliwn o ddoleri i adeiladu’r wal. Yn ôl yr Arlywydd mae’r wal yn hanfodol i geisio atal yr hyn mae’n ei alw’n “argyfwng” oherwydd mewnfudwyr anghyfreithlon a smyglo cyffuriau ar y ffin.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed