Gogledd Corea’n galw am drafodaethau heddwch â De Corea

 
Arweinydd Gogledd Corea yn gwenu ar ymweliad â Berlin

Kim Jong Un, arweinydd Gogledd Corea

Llun: CC SA 2.0 trwy Commons Wikimedia

Mae Gogledd Corea yn galw am gynnal rhagor o drafodaethau heddwch â De Corea.

Mae’r arweinydd Kim Jong Un wedi anfon llythyr at Moon Jae-in yn galw am gyfarfod yn y flwyddyn newydd, ac yn dweud ei fod yn difaru nad oedd modd cynnal y trafodaethau cyn i’r flwyddyn bresennol ddod i ben.

Roedd y ddau wedi addo cyfarfod yn dilyn eu sgwrs flaenorol yn Pyongyang ym mis Medi.

“Fe fydd llawer o anawsterau o’n blaenau,” meddai Moon Jae-in ar Twitter.

“Fodd bynnag, fe ddaw ein calonnau’n fwy agored os gwnawn ni dipyn o ymdrech.

“Does dim newid yn ein calon o ran croesawu’r Cadeirydd Kim [i Dde Corea].”

Cyfaddawdu

Yn dilyn tri chyfarfod blaenorol, mae’r tensiwn rhwng y ddwy wlad wedi lleihau i ryw raddau.

Maen nhw eisoes wedi cytuno i gydweithio’n economaidd, ac wedi dweud eu bod yn ffyddiog y gall sancsiynau rhyngwladol ar Ogledd Corea ddod i ben er mwyn hwyluso hynny.

Maen nhw hefyd wedi lleihau eu bygythiadau milwrol yn erbyn ei gilydd.

Daw’r sylwadau flwyddyn union ar ôl i Kim Jong Un ddefnyddio anerchiad blynyddol i awgrymu y gallai perthynas y wlad â De Corea wella’n raddol yn ystod y flwyddyn.

Mae Gogledd Corea eisoes wedi cytuno i ddileu ei harfau niwclear o fewn cyfnod amhenodol, ac mae gobaith bellach y gallai uwchgynhadledd gael ei threfnu rhwng Gogledd Corea, De Corea a’r Unol Daleithiau yn 2019.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones