Indonesia: cannoedd yn chwilio drwy’r rwbel am oroeswyr tswnami

Diweddarwyd am  
Indonesia

Indonesia

CC BY-SA 3.0 (o wefan wikipedia)

Mae cannoedd o bobol wedi bod yn chwilio drwy’r rwbel am ragor o oroeswyr yn dilyn tswnami yn Indonesia.

Cafodd cartrefi, gwestai ac adeiladau eraill eu difrodi gan donnau enfawr yng Nghulfor Sunda nos Sadwrn (22 Rhagfyr) ar ôl i losgfynydd Anak Krakatau ffrwydro.

Mae o leia’ 370 o bobol wedi’u lladd a mwy na 1,400 wedi’u hanafu. Mae dwsinau o bobl yn dal ar goll o’r ardaloedd ar hyd yr arfordir yn nwyrain Java ac yn ynysoedd de Sumatra.

Fe allai nifer y meirw gynyddu ar ôl i’r awdurdodau dderbyn adroddiadau gan yr holl ardaloedd sydd wedi’u heffeithio.

Mae na ofnau hefyd y gallai tswnami arall daro’r ardal wrth i’r llosgfynydd barhau i ffrwydro.

Dywedodd Cymdeithas Feddygol Indonesia eu bod nhw’n anfon rhagor o feddygon ac offer meddygol a bod nifer o’r rhai sydd wedi’u hanafu angen llawdriniaeth orthopedig a niwrolegol arbenigol.

Roedd y rhan fwyaf o’r rhai gafodd eu hanafu yn ymwelwyr o’r wlad oedd wedi mynd i’r traeth yn ystod y gwyliau dros y penwythnos.

Dyma’r ail tswnami i daro Indonesia eleni – fe fu daeargryn nerthol ar ynys Sulawesi ar 28 Medi a daeth tswnami yn sgil hynny.

Ar nos Sadwrn doedd dim daeargryn i rybuddio pobol bod y tonnau enfawr ar fin taro a chafodd cannoedd o bobl eu llusgo i’r môr.

Mae Arlywydd Indonesia Joko “Jokowi” Widodo wedi mynegi ei dristwch a’i gydymdeimlad ac wedi galw ar asiantaethau’r llywodraeth i ymateb yn gyflym i’r gyflafan.

Mae gwyddonwyr yn credu y gallai’r tswnami fod wedi’i achosi gan dirlithriadau – un ai ar y tir neu o dan ddŵr – ar losgfynydd Anak Krakatau.

Mae’r llosgfynydd wedi bod yn ffrwydro ers mis Mehefin ac fe ffrwydrodd eto tua 24 munud cyn y tswnami, yn ôl gwyddonwyr.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer