Y byd gwleidyddol yn ffarwelio â’r cyn-arlywydd George HW Bush

Diweddarwyd am  

George H W Bush

Llun parth cyhoeddus

Mae’r byd gwleidyddol yn ffarwelio â chyn-Arlywydd yr Unol Daleithiau, George HW Bush heddiw.

Mae cyfres o wasanaethau’n cael eu cynnal yn Washington, yn dilyn ei farwolaeth yn 94 oed dros y penwythnos.

Ymhlith y rhai sydd wedi ymgynnull mae nifer o wleidyddion amlyca’r byd a nifer o weithwyr personol y dyn a dreuliodd ddiwedd ei oes yn nhalaith Maine.

Ymhlith y penaethiaid sydd yno mae brenin a brenhines yr Iorddonen, tywysogion Prydain a Bahrain, Canghellor yr Almaen ac Arlywydd Gwlad Pwyl.

Roedd ei gorff yn gorwedd yn gyhoeddus yn y Capitol Rotunda cyn ei gludo i Eglwys Gadeiriol Genedlaethol Washington ar gyfer ei angladd gwladol, sy’n benllanw tridiau o alaru.

Bydd ei weddillion yn cael eu claddu yn Tecsas, ochr yn ochr â’i wraig Barbara, a fu farw saith mis yn ôl ar ôl 73 mlynedd o briodas, a’u merch Robin a fu farw’n dair oed yn 1953.

Gyrfa

Roedd George HW Bush, tad y cyn-Arlywydd George W Bush, yntau’n Arlywydd Gweriniaethol ar ei wlad rhwng 1989 a 1993, cyn cael ei olynu gan Bill Clinton.

Yn ystod y cyfnod hwnnw, roedd yn gyfrifol am helpu i drawsnewid ei wlad yn dilyn y Rhyfel Oer, ac am arwain y wlad drwy Ryfel y Gwlff, toc cyn iddo golli ei sedd i’r Democratiaid.

Dim ond pedwar cyn-Arlywydd sy’n dal ar dir y byw erbyn hyn – Jimmy Carter, Bill Clinton, George W. Bush a Barack Obama.

Mae disgwyl i George W. Bush dalu teyrnged i’w dad, ac fe fydd yr Arlywydd presennol, Donald Trump yn y gwasanaeth hefyd.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed