IS yn lladd yn Melbourne

 
Cefndir glas, chwe seren wen, a jac yr undeb yn y gornel chwith uchaf

Baner Awstralia

Mae un wedi’i ladd a dau arall wedi eu hanafu, ar ôl i ddyn ymosod arnyn nhw â chyllell yn Melbourne, Awstralia.

Bu’r digwyddiad yn y prynhawn yn ystod awr brysuraf y ddinas, gyda channoedd o bobol yn gwylio o bellter wrth i’r heddlu geisio dal yr ymosodwr.

Dywed yr heddlu fod y dyn wedi dod allan o gerbyd, a aeth ar dân yn fuan wedyn, cyn ymosod ar dri cherddwr.

Fe geisiodd ymosod ar swyddogion yr heddlu hefyd, cyn cael ei saethu yn yr ysgyfaint gan heddwas. Bu farw yn yr ysbyty yn ddiweddarach.

IS yn hawlio cyfrifoldeb

Bu farw un o’r dynion a gafodd ei drywanu yn fuan wedi’r ymosodiad, gyda’r ddau arall yn cael eu cludo i’r ysbyty.

Mae’r Wladwriaeth Islamaidd wedi cymryd cyfrifoldeb am yr ymosodiad.

Maen nhw’n dweud bod y dyn yn un o “ymladdwyr y Wladwriaeth Islamaidd”, a’i fod wedi ymateb i’w galwad i ymosod ar wledydd sy’n rhan o’r gynghrair ryngwladol sy’n brwydro yn Syria ac Irac.

Mae Prif Weinidog Awstralia, Scott Morrison, wedi disgrifio’r weithred yn un “ysgeler a chachgïaidd”.

Ac fe ychwanegodd: “Fydd Awstraliaid byth yn cael eu bygwth gan yr ymosodiadau erchyll hyn, ac fe fyddwn ni’n parhau i fyw ein bywydau a mwynhau’r rhyddid y mae’r ymosodwyr hyn yn ei gasáu.”

Rhyngwladol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed