Arlywydd nesaf Iwerddon: pump yn y ras

 

Mae pump o ymgeiswyr yn y ras erbyn hyn i fod yn Arlywydd nesaf Iwerddon, ar ôl i Sinn Fein gymeradwyo enwebiad Liadh Ni Riada.

Bydd yr etholiad yn cael ei gynnal fis nesaf, a bydd hi’n herio’r Arlywydd presennol Michael D Higgins, Sean Gallagher, Gavin Duffy a Joan Freeman.

Daeth cadarnhad fod Sinn Fein wedi enwebu’r ddynes 52 oed yn dilyn cyfarfod yn Nulyn heddiw (dydd Sul).

Liadh Ni Riada yw merch y cerddor a’r cyfansoddwr enwog Sean O Riada, ac mae hi’n gefnogwr brwd o’r Wyddeleg, gan fod yn flaenllaw yn y broses o sefydlu’r orsaf deledu Wyddeleg, TG4.

Mae hi’n un o bedwar Aelod Seneddol Ewropeaidd Sinn Fein ar ôl cael ei hethol yn 2014, ac yn gyn-gynhyrchydd teledu.

Hi yw’r ieuengaf o’r holl ymgeiswyr, ac yn un o ddwy ddynes yn y ras.

Mae hi’n gefnogwr brwd o’r diwydiant pysgota, ond yn feirniadol o’r Polisi Cyffredin Pysgodfeydd.

Y ras

Mae’r pump sydd wedi cyflwyno’u henwau i gyd wedi sicrhau cefnogaeth pedwar cynghorydd, yn ôl gofynion yr etholiad.

Mae Michael D Higgins yn sefyll am ail dymor, tra bydd yn cael ei herio gan ddau fuddsoddwr ar raglen Dragons’ Den, Sean Gallagher a Gavin Duffy. Mae’r ddau yn sefyll fel ymgeiswyr annibynnol ynghyd â’r Seneddwraig Joan Freeman.

Michael D Higgins sydd wedi sicrhau cefnogaeth pleidiau Fine Gael a Fianna Fail, dwy blaid fwya’r wlad, yn ogystal â’r Blaid Lafur.

Mae gan bob ymgeisydd tan 26 Medi i sicrhau cefnogaeth cynghorau. Bydd yr etholiad yn cael ei gynnal ar 26 Hydref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed