Rheolwr o Gatalwnia’n wfftio’r posibilrwydd o reoli Sbaen

 
Pep Guardiola

Pep Guardiola

Llun: Twitter

Mae’r rheolwr pêl-droed o Gatalwnia, Pep Guardiola wedi wfftio’r posibilrwydd o reoli tîm cenedlaethol Sbaen ryw ddiwrnod.

Dywed y Catalanwr balch ei fod yn dymuno dod yn rheolwr ar dîm cenedlaethol ryw ddiwrnod, serch hynny.

Enillodd e 47 o gapiau dros Sbaen, gan arwain y tîm i’r fedal aur yng Ngemau Olympaidd Barcelona yn 1992.

Fel rheolwr, mae e wedi ennill 27 o dlysau yn ystod cyfnodau wrth y llyw yn Barcelona, Bayern Munich a Manchester City.

Mae ganddo fe gytundeb gyda Manchester City tan 2021.

‘Ddim yn mynd i ddigwydd’

Wrth gael ei holi am y posibilrwydd o ddod yn rheolwr ar dîm Sbaen yn y dyfodol, dywedodd Pep Guardiola, “Dw i ddim yn meddwl fod hynny’n mynd i ddigwydd.”

Dydy e ddim wedi cynnig rheswm, ond mae ei ddaliadau gwleidyddol yn hysbys ers tro.

Y tymor diwethaf, fe gafodd ei gosbi am wisgo rhuban yn datgan ei gefnogaeth i wleidyddion Catalwnia a gafodd eu carcharu am eu rhan yn y frwydr tros annibyniaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones