Y Pab yn cyrraedd Iwerddon

Diweddarwyd am  
Pab Ffransis

Y Pab Ffransis

Llun parth cyhoeddus

Mae’r Pab Francis wedi cyrraedd Iwerddon ar ymweliad deuddydd hanesyddol.

Glaniodd ei awyren o Rufain ym maes awyr Dulyn ychydig cyn hanner awr wedi deg.

Fe fydd yn treulio’r diwrnod yn Nulyn heddiw, cyn hedfan i Swydd Mayo yn y gorllewin yfory i gymryd rhan mewn gwasanaeth wrth seintwar yn Knock.

Mae’r Pab wedi cyrraedd gwlad sydd wedi gweddnewid yn llwyr ers ymweliad enwog John Paul II yn 1979, y Pab diwethaf i ymweld ag Iwerddon.

Bryd hynny, roedd yr Eglwys Babyddol yn rym holl-bresennol yn y wlad, a miloedd yn gorfoleddu wrth groesawu John Paul II i’w plith.

Er y bydd y Pab Ffransis yn cael croeso cynnes gan filoedd o Wyddelod, fe fydd yn profi dicter llawer o brotestwyr hefyd ynghylch y ffordd mae’r eglwys wedi ymdrin â throseddau clerigwyr yn erbyn plant dros y blynyddoedd.

Fe fydd yn cyfarfod rhai o’r dioddefwyr mewn cyfarfod preifat.

Fe fydd hefyd yn cyfarfod arlywydd y Taoiseach Iwerddon, Michael D Higgins a Leo Varadkar.

Mae disgwyl y bydd tua 100,000 ar strydoedd Dulyn y prynhawn yma, wrth iddo gael ei gludo yn ei gerbyd drwy’r ddinas, ac fe fydd yn ymuno â 80,000 o bererinion mewn gwyl gerddorol yn stadiwm Croke Park heno.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer