Y Gemau Asiaidd: athletwyr Gogledd a De Corea i gydgerdded

 

Corea

Llun trwy Gomin Wicimedia

Mi fydd athletwyr Gogledd a De Corea yn cydgerdded yn ystod seremoni agoriadol y Gemau Asiaidd yn Indonesia fis Awst.

Yn ôl cyhoeddiad gan Weinyddiaeth Chwaraeon De Corea, maen nhw wedi dod i gytundeb â Gogledd Corea ynglŷn â’r mater yn ystod trafodaethau ym mhentre’r ffin, Panmunhom, ddydd Llun (Mehefin 18).

Mae’r ddwy wlad hefyd wedi cytuno i ffurfio tîm unedig ar gyfer rhai digwyddiadau yn ystod y Gemau.

Mi fydd hefyd gemau cyfeillgar o bêl-fasged yn cael eu cynnal rhwng  y ddwy yn Pyongyang a Seoul yn ystod y misoedd nesa’.

Daw’r cytundeb hwn ychydig ddiwrnodau ar ôl i Arlywydd yr Unol Daleithiau, Donald Trump, ac arweinydd Gogledd Corea, Kim Jong Un gwrdd mewn uwchgynhadledd hanesyddol yn Singapore.

Dyma’r tro cynta’ i’r ddau arweinydd gyfarfod wyneb yn wyneb, ac fe gytunodd y Gogledd y byddai’n ceisio rhoi gorau i’w harfau niwclear yn y dyfodol.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?