Kim Jong Un yn Singapôr i gyfarfod â Donald Trump

Diweddarwyd am  
Arweinydd Gogledd Corea yn gwenu ar ymweliad â Berlin

Kim Jong Un, arweinydd Gogledd Corea

Llun: CC SA 2.0 trwy Commons Wikimedia

Mae arweinydd Gogledd Corea, Kim Jong Un wedi cyrraedd Singapôr ar gyfer ei gyfarfod arwyddocaol gydag Arlywydd yr Unol Daleithiau, Donald Trump.

Roedd limousine yn aros amdano fe yn y maes awyr i’w gludo i gyfarfod lle bydd arfau niwclear ar frig yr agenda.

Mae’r cyfarfod wedi denu cryn sylw ar draws y byd yn sgil pryderon y gallai diffyg cytundeb rhwng y ddwy wlad gynyddu’r posibilrwydd o ryfel niwclear yn dilyn profion dros y flwyddyn ddiwethaf.

Er bod cryn ddisgwyl am ymateb Kim Jong Un i’r pryderon, mae Donald Trump wedi disgrifio’r trafodaethau fel cyfle i’r ddau arweinydd ddod i adnabod ei gilydd yn well.

Dad-niwcleareiddio?

Mae cryn ddyfalu y gallai’r cyfarfod arwain at ddad-niwcleareiddio Gogledd Corea yn llwyr.

Ond byddai hynny’n ddibynnol i raddau helaeth ar barodrwydd yr Unol Daleithiau i roi sicrwydd y byddai’r wlad yn ddiogel pe bai’n gwneud hynny.

Mae’n annhebygol y bydd yr Unol Daleithiau’n gallu sicrhau hynny, gan fod prinder dulliau eraill o warchod y wlad, ac mae’n annhebygol hefyd y bydd Gogledd Corea yn rhoi’r hawl i archwilwyr allanol archwilio’u deunyddiau niwclear, sydd fel arfer yn cael eu cadw dan ddaear.

Rhyfel Corea

Yn swyddogol, mae Rhyfel Corea yn parhau er i’r ymladd ddod i ben ar Orffennaf 27, 1953.

Mae Gogledd Corea yn galw ers blynyddoedd am gytundeb i symud milwyr Americanaidd allan o’r wlad, a allai arwain yn y pen draw at uno Gogledd a De Corea.

Ond byddai cytundeb o’r fath yn gofyn am sêl bendith Tsieina a De Corea ac yn ôl cefnogwyr Donald Trump, byddai ei lwyddiant yn deilwng o Wobr Heddwch Nobel.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed