Pervez Musharraf eisiau dychwelyd i senedd Pacistan

 

Mae cyn-arweinydd Pacistan, Pervez Musharraf wedi datgan ei fwriad i geisio dychwelyd i senedd Pacistan pan fydd etholiad cyffredinol yn cael ei gynnal ar Orffennaf 25.

Fe gafodd e ganiatâd gan y Goruchaf Lys i ddychwelyd o Dubai, lle bu’n alltud er mwyn osgoi cael ei arestio a’i erlyn.

Mae disgwyl iddo fod yn ymgeisydd ar gyfer sedd tref Chitral yng ngogledd y wlad.

Fe gipiodd e rym yn 1999 drwy ddadorseddu llywodraeth Nawaz Sharif, sydd bellach wedi’i atal rhag sefyll o ganlyniad i gyhuddiadau o lygredd yn ei erbyn. Cafodd ei orfodi i ymddiswyddo yn 2008 ar ôl i blaid Benazir Bhutto ddod i rym.

Brwydr

Fe fydd plaid y cyn-gricedwr Imran Khan yn herio plaid Nawaz Sharif am nifer o seddau.

Ac fe ddaeth cadarnhad y bydd Imran Khan yn ymgeisydd ar gyfer sedd mewn ymgais i ddod yn Brif Weinidog.

Daeth cyfnod y Cynulliad Cenedlaethol i ben ar Fai 31.

Mae disgwyl i blaid y cyn-Arlywydd Asif Ali Zardari gyflwyno ymgeiswyr ar draws y wlad er mwyn mynd am fwyafrif yn y Senedd. Fe fydd yntau’n sefyll yn nhalaith Sindh yn ne’r wlad.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?