Ci teulu yn lladd bachgen saith mis oed yn yr Almaen

 

Terier Swydd Stafford

Llun: CC0

Mae bachgen saith mis oed wedi marw yn yr Almaen, ar ôl iddo gael ei gnoi gan gi’r teulu.

Yn ôl yr heddlu yn rhanbarth Hesse yn ne’r Almaen, nid ydyn nhw’n siŵr pam yn union yr ymosododd y ci ar y baban. Mae’r ci erbyn hyn wedi cael ei gludo i loches anifeiliaid, lle mae wedi’i ddisgrifio yn anifail “peryglus”.

Fe alwodd y tad, sy’n 23 oed, y gwasanaethau brys yn syth yn dilyn y digwyddiad, ac er i’r bachgen fod mewn cyflwr sefydlog ar ôl cael ei gludo i’r ysbyty, bu farw’n ddiweddarach yn y nos.

Problem cŵn

Bu’r digwyddiad hwn yn ardal Bad Koenig, sydd tua 28 milltir i’r de-ddwyrain o Frankfurt, bron i wythnos ar ôl i fam a’i mab gael eu lladd yng ngogledd yr Almaen.

Fe gafodd dynes 52 oed a’i mab 27 oed eu lladd gan eu terrier Swydd Stafford yn Hannover ar Ebrill 3.

Er nad yw’r heddlu yn Hesse wedi gallu cadarnhau pa fath o gi a oedd yn gyfrifol am ladd y bachgen saith mis oed, mae lle i gredu bod ganddo waed terrier Swydd Stafford.

Mae gan y 16 rhanbarth yn yr Almaen wahanol reolau ynglŷn â chadw bridiau penodol o gŵn. Ond yn y rhan fwyaf ohonyn nhw mae’n orfodol i bobol gael trwydded arbennig i gadw terrier Swydd Stafford.

Yn ôl y swyddfa ystadegol ffederal yn yr Almaen, mae 64 o bobol yn y wlad wedi cael eu lladd gan gŵn rhwng 1998  2015.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?