Facebook wedi rhannu gwybodaeth 87 miliwn o ddefnyddwyr

 

Mae pennaeth Facebook, Mark Zuckerberg, wedi syrthio ar ei fai yn dilyn y cyhoeddiad bod gwybodaeth 87 miliwn o ddefnyddwyr y wefan gymdeithasol wedi’i rannu â Cambridge Analytica.

O’r ffigwr hwn, mae’n debyg bod dros filiwn (1,079,031) o ddefnyddwyr o wledydd Prydain.

Ond mae’r mwyafrif o’r rheiny a gafodd eu heffeithio o’r Unol Daleithiau, ynghyd â thros filiwn o Ynysoedd y Ffilipinas ac Indonesia.

“Heb wneud digon”

Mewn cynhadledd arbennig dros y ffôn gyda newyddiadurwyr, fe ddywedodd Mark Zuckerberg fod y cwmni “heb wneud digon” i amddiffyn ei ddefnyddwyr.

Fe roddodd yr addewid hefyd y byddai Facebook yn gwneud mwy o ymdrech yn y dyfodol i sicrhau bod gwybodaeth yn cael ei chadw’n ddiogel.

“Ni wnaethom ni gymryd golwg digon eang ar ein cyfrifoldeb,” meddai. “Roedd hynny’n gamgymeriad mawr. Fy nghamgymeriad i ydoedd.”

Pan ofynnwyd iddo wedyn os mai fe oedd y person gorau i arwain Facebook i’r dyfodol, ei ymateb oedd “ie”, gan ychwanegu bod angen “dysgu” o gamgymeriadau.

“Pan ydych chi’n adeiladu rhywbeth fel Facebook sy’n anferth ledled y byd,” meddai eto, “mae yna rai pethau yr y’ch chi’n mynd i wneud llanast ohono fe.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd