Mae ci wedi marw ar awyren United Airlines ar ôl i aelod o staff fynnu bod rhaid ei roi mewn bin uwchben teithwyr.
Roedd yr awyren yn cludo teithwyr o Houston i Efrog Newydd.
Mae’r cwmni wedi derbyn cyfrifoldeb, gan ddweud na ddylid byth roi anifeiliaid ymhlith bagiau.
Roedd teithwyr eraill wedi tynnu lluniau o’r digwyddiad ar y daith nos Lun, gan ddweud eu bod nhw wedi clywed y ci yn cyfarth yn ystod y daith.
Ond doedd neb yn gwybod fod y ci wedi marw tan ar ôl i’r awyren lanio ym maes awyr LaGuardia.
Mae ymchwiliad ar y gweill.
