Merched Sbaen ar streic ar Ddiwrnod Rhyngwladol y Menywod

 

Ar Ddiwrnod Rhyngwladol y Merched, mae protestiadau yn cael eu cynnal gan ferched ledled Sbaen, wrth iddyn nhw godi eu llais yn erbyn yr anghyfartaledd rhwng cyflogau dynion a merched, a’r trais sy’n bodoli rhwng y rhywiau.

O dan y slogan, ‘Os y’n ni ar stop, mae’r byd ar stop’, mae pob math o ferched sy’n gweithio wedi cael eu hannog i ymuno â streic 24 awr sy’n cael ei gynnal gan sefydliad o’r enw ‘Comisiwn Mawrth 8’.

Mae’r sefydliad hwn yn blatfform i grwpiau ffeministaidd sy’n galw am gyfleoedd cyfartal i ferched sy’n gweithio.

Mae undebau’r CCOO a’r UGT, sef prif undebau’r gweithwyr yn Sbaen, hefyd wedi bod yn cynnal streiciau yn ystod y dydd, gan streicio am gyfnodau o ddwy awr yn y bore a’r prynhawn.

Yn Madrid, wedyn, mae disgwyl i brotest mawr gael ei chynnal rhyw ben o’r dydd.

Ond yn Barcelona, mae fideos ar y cyfryngau cymdeithasol yn dangos sut mae protestwyr  sy’n rhwystro’r traffig wedi gorfod wynebu trais wrth heddlu’r ddinas.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?