Chwech o ferched yn dwyn achos yn erbyn Harvey Weinstein

 
Harvey Weinstein

Harvey Weinstein

Llun: David Shankbone CC 3.0 trwy Commons Wikimedia

Mae chwech o ferched wedi dwyn achos cyfreithiol yn erbyn Harvey Weinstein, gan gyhuddo’r cynhyrchydd Hollywood o geisio cuddio ei gamymddwyn rhywiol honedig.

Mae’r achos wedi’i ddwyn mewn llys ffederal yn Efrog Newydd “ar ran dwsinau, os nad cannoedd” o ferched sy’n honni iddyn nhw ddiodde’ ymosodiadau rhyw dan law Harvey Weinstein.

Mae’r papurau cyfreithiol yn honni fod casgliad o gwmnïau a phobol bwerus oedd yn gwybod am y gamdriniaeth, wedi dod yn rhan o’r hyn sy’n cael ei alw’n “Weinstein Sexual Enterprise” a’u bod wedi gweithio gyda’r gwr busnes i guddio’r hyn oedd yn digwydd.

Mae cyfreithiwr Harvey Weinstein wedi gwrthod ymateb.

Yn ol y papurau cyfreithiol, fe gafodd actoresau a merched eraill o fewn y byd ffilm eu hudo i ddigwyddiadau, i ystafelloedd mewn gwestai, i gartref Harvey Weinstein ac i gyfarfodydd mewn swyddfeydd ac i glyweliad, dan yr argraff eu bod yn mynd yno i drafod gwaith.

Mae’r rheiny sy’n dwyn yr achos yn cynnwys y sgriptwraig a’r actores Louisette Geiss, ynghyd â’r actoresau Katherine Kendall, Zoe Brock, Sarah Ann Thomas, Melissa Sagemiller and Nanette Klatt.

Mae beth bynnag 75 o ferched wedi siarad â’r wasg am ymosodiadau rhyw, am harasio a chamymddwyn honedig gan Harvey Weinstein.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd