Awstralia’n pleidleisio tros briodasau o’r un rhyw

 
Cefndir glas, chwe seren wen, a jac yr undeb yn y gornel chwith uchaf

Baner Awstralia

Mae Awstralia wedi pleidleisio tros gyfreithloni priodasau o’r un rhyw – gyda 61.6% o’i thrigolion o blaid.

Does dim gorfodaeth ar lywodraeth Awstralia i weithredu ar y canlyniad, ond mae prif weinidog y wlad, Malcolm Turnbull wedi dweud ei bod hi’n bryd gweithredu ar ddymuniad y bobol.

Roedd pob talaith o blaid.

“Mae Awstraliaid wedi pleidleisio tros degwch, maen nhw wedi pleidleisio tros ymrwymiad, maen nhw wedi pleidleisio tros gariad,” meddai Malcolm Turnbull.

“Nawr, mae yn ein dwylo ni yn Senedd Awstralia i fwrw ati, bwrw ati gyda’r gwaith mae pobol wedi gofyn i ni ei wneud, a’i wneud e eleni, cyn y Nadolig.

“Rhaid i ni ymrwymo i hynny.”

Lleiafrif yn erbyn

Wrth gyfeirio at y 38.4% a bleidleisiodd yn erbyn, pwysleisiodd Malcolm Turnbull fod Awstralia’n “wlad deg”.

“Does dim byd mwy Awstralaidd na thegwch a pharch at ein gilydd.”

Fe bleidleisiodd mwy o bobol (79.5%) na’r nifer o bobol a bleidleisiodd yn refferendwm Brexit ac etholiad arlywyddol diwetha’r Unol Daleithiau.

Dywedodd y seneddwr, Eric Abetz, un a bleidleisiodd yn erbyn, ei fod yn galw am gynnwys barn gwrthwynebwyr mewn unrhyw gyfreithiau yn y dyfodol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer