Annog trigolion Catalwnia i gefnu ar wleidyddion annibyniaeth

 
Baner annibyniaeth Catalwnia ar fariau haearn

Baner a bariau

Llun: golwg360

Mae Prif Weinidog Sbaen, Mariano Rajoy wedi annog trigolion Catalwnia i bleidleisio i sicrhau nad yw gwleidyddion o blaid annibyniaeth i Gatalwnia yn cael cadw eu seddi.

Fe fydd etholiad cyffredinol yn cael ei gynnal fis nesaf yn dilyn ymgais Catalwnia i drefnu refferendwm annibyniaeth, oedd wedi cael ei alw’n “anghyfreithlon” ac “anghyfansoddiadol” gan lywodraeth Sbaen.

Mae nifer o wleidyddion yn y carchar o hyd, ac mae Carles Puigdemont, arweinydd Catalwnia, wedi ffoi i Wlad Belg ynghyd â nifer o’i weinidogion.

‘Cyfnod newydd o normalrwydd’

Dywedodd Mariano Rajoy wrth aelodau ei Blaid Boblogaidd yn ninas Barcelona ei fod e “eisiau nifer uchel o bleidleiswyr i agor cyfnod newydd o normalrwydd”.

Hwn yw ei ymweliad cyntaf â’r ddinas ers i lywodraeth Sbaen ddefnyddio’u grym i ddiddymu llywodraeth Catalwnia a dychwelyd eu pwerau i ddinas Madrid.

Fe fydd etholiad cyffredinol ar Ragfyr 21.

Dywedodd Mariano Rajoy: “Mater brys yw dychwelyd i ymdeimlad o normalrwydd yng Nghatalwnia, a gwneud hynny cyn gynted â phosib er mwyn lleihau’r tensiwn cymdeithasol ac economaidd.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd