Honiadau eto fyth yn erbyn Harvey Weinstein

Diweddarwyd am  
Harvey Weinstein

Harvey Weinstein

Llun: David Shankbone CC 3.0 trwy Commons Wikimedia

Mae’r heddlu’n ymchwilio i’r honiad diweddaraf yn erbyn Harvey Weinstein yn Los Angeles.

Daw’r cyhoeddiad ar ôl i’r heddlu yn Efrog Newydd ddweud bod honiad arall yn erbyn y cyfarwyddwr ffilm yn “gredadwy”.

Efrog Newydd

Mae’r actores Paz de la Huerta wedi ei gyhuddo mewn cylchgrawn o’i threisio ddwywaith yn 2010 ac yn ôl yr heddlu, mae ganddyn nhw ddigon o dystiolaeth i’w arestio.

Dywedodd yr heddlu yn Los Angeles brynhawn dydd Gwener eu bod nhw’n ymchwilio i honiad ei fod e wedi “ymddwyn yn anweddus” yn 2015.

Ond gan nad yw Harvey Weinstein yn Efrog Newydd ar hyn o bryd, byddai angen i’r heddlu wneud cais arbennig i’w arestio.

Los Angeles

Mae’r heddlu yn Los Angeles yn ymchwilio i honiadau bod Harvey Weinstein wedi treisio actores Eidalaidd mewn gwesty yn Beverly Hills yn 2013.

Bellach, mae pedwar o heddluoedd yn ymchwilio i honiadau yn erbyn y cyfarwyddwr.

Mae dwsinau o actorion ac actoresau wedi gwneud honiadau am ei ymddygiad tuag atyn nhw.

Mae Heddlu Llundain hefyd yn ymchwilio i 11 o gyhuddiadau gan saith o fenywod.

Ond mae Harvey Weinstein yn gwadu ei fod e wedi gwneud unrhyw beth o’i le.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd