Gogledd Corea wedi cynnal profion niwclear

 


Mae Gogledd Corea wedi cynnal profion “llwyddiannus” ar fom niwclear sydd i fod i gael ei lwytho i mewn i daflegryn balistig trawsgyfandirol.

Cafodd y newyddion ei gyhoeddi oriau ar ôl i gryniadau gael eu teimlo yn Ne Corea a Siapan.

Yn ôl cyfryngau Gogledd Corea, Kim Jong Un oedd wedi awdurdodi’r profion.

Mae lle i gredu bod y ffrwydrad niwclear bum neu chwe gwaith yn fwy na’r un blaenorol yn 2016, sydd wedi codi pryderon am allu’r taflegrau i gyrraedd mor bell i ffwrdd â’r Unol Daleithiau.

Oriau cyn y ffrwydrad, roedd cyfryngau Gogledd Corea’n adrodd bod Kim Jong Un wedi dod o hyd i fom hydrogen i greu taflegrau o’r fath.

Beirniadu

Mae’r weithred wedi cael ei beirniadu gan Weinidog Tramor Siapan, Taro Kono, sy’n dweud ei bod yn “annerbyniol”.

Yn ôl De Corea, maen nhw wedi bod yn trafod y sefyllfa â’r Unol Daleithiau.

Ac fe ddywedodd llefarydd fod Ymgynghorydd Diogelwch Cenedlaethol y Cenhedloedd Unedig wedi bod mewn trafodaethau brys â De Corea am y sefyllfa.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd