Donald Trump yn ail-danio’r ffrae tros drais yn Charlottesville

Diweddarwyd am  


Mae Arlywydd yr Unol Daleithiau, Donald Trump wedi ailadrodd ei farn fod “y ddwy ochr ar fai” am y trais yn Charlottesville yn Virginia.

Roedd wedi ennyn dicter y tro cyntaf y gwnaeth y sylwadau am grwpiau croenwyn a’r rhai yr oedden nhw’n protestio yn eu herbyn.

Daw ei sylwadau ddiwrnod yn unig ar ôl iddo farnu bod aelodau’r Klu Klux Klan, neo-Natsïaid a goruchafiaethwyr gwynion sy’n torri’r gyfraith yn “droseddwyr ac yn llabystiaid” – sylwadau oedd wedi cael eu dylunio i dawelu ei feirniaid ymhlith y Gweriniaethwyr, y Democratiaid ac arweinwyr busnes.

Ond mae cwestiynau wedi codi unwaith eto ynghylch ei gefnogaeth i genedlaetholwyr croen gwyn.

Ymhlith y rhai sydd wedi beirniadu ei sylwadau diweddaraf mae’r Seneddwr Gweriniaethol, Marco Rubio a Llefarydd y Tŷ, Paul Ryan.

Ond ymhlith y rhai sy’n croesawu’r sylwadau mae cyn-arweinydd y KKK, David Duke, oedd wedi diolch i Donald Trump am ei “onestrwydd a dewrder”.

Trais

Roedd ymladd ffyrnig ar strydoedd Charlottesville ddydd Sadwrn ar ôl i eithafwyr croen gwyn ymgasglu i brotestio yn erbyn penderfyniad y ddinas i symud cerflun o Robert E Lee, y Cadfridog Cydffederal.

Cafodd dynes 32 oed, Heather Heyer ei lladd pan darodd car yn erbyn criw o wrth-brotestwyr.

Dywedodd Donald Trump ddydd Llun fod y “bai ar sawl ochr” am y digwyddiad ond fe wnaeth e feirniadu’r goruchafiaethwyr yn ddiweddarach.

Ond fe ailadroddodd ei farn wreiddiol eto ddydd Mawrth yn ystod cynhadledd i’r wasg, gan ddweud bod “dwy ochr i bob stori” a bod “pobol ffein” ar y ddwy ochr.

Mae amheuon yn dilyn ei sylwadau y bydd goruchafiaethwyr yn mynnu bod cerfluniau eraill yn cael eu tynnu i lawr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019