9/11: dyn fu farw yn cael ei adnabod yn swyddogol

 


Safle'r ddau dwr yng Nghanolfan Fasnach y Byd, Efrog Newydd a gafodd eu difrodi yn ymosodiad 9/11
Mae gweddillion dyn a gafodd ei ladd yng Nghanolfan Fasnach y Byd yn Efrog Newydd ar 11 Medi 2001 wedi cael ei adnabod yn swyddogol – 16 mlynedd ers yr ymosodiadau brawychol.

Mae ei deulu wedi gofyn am beidio cyhoeddi ei enw, meddai swyddfa’r arolygydd meddygol yn Ninas Efrog Newydd.

Dyma’r tro cyntaf i weddillion person gael eu hadnabod yn ffurfiol ers mis Mawrth 2015.

Mae profion DNA a dulliau eraill wedi cael eu defnyddio i geisio adnabod y 2,753 o bobl gafodd eu lladd yn yr ymosodiad pan darodd ddwy awyren yn erbyn tyrrau’r Ganolfan Fasnach yn 2001.

Hyd yn hyn, mae gweddillion 1,641 o ddioddefwyr wedi cael eu hadnabod sy’n golygu bod 40% o’r rhai fu farw yn dal heb gael eu hadnabod yn swyddogol.

Cafodd technoleg DNA newydd a mwy sensitif ei ddefnyddio yn gynharach eleni sydd wedi helpu i adnabod gweddillion y dyn, meddai swyddfa’r arolygydd meddygol.

Mae’r broses wedi bod yn un hir gan fod y gwres, bacteria ac effaith cemegau, fel y tanwydd o’r awyrennau, wedi’i gwneud yn anodd adnabod y gweddillion y cafwyd hyd iddyn nhw yn y tyrrau.

Cafodd bron i 3,000 o bobl eu lladd yn ymosodiadau 9/11 yn Efrog Newydd, y Pentagon a ger Shanksville, Pennsylvania.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd