RSS

Golwg360

MwyCau 

Ymchwiliad swyddogol wedi dechrau i Francois Fillon

Mawrth 14, 2017 16:04 Diweddarwyd am 16:05


Francois Fillon a'i wraig Penelope Llun: PA
Mae ymchwiliad swyddogol wedi dechrau i ymgeisydd arlywyddol Ffrainc, Francois Fillon, ar ôl iddo roi swyddi i’w wraig a’i blant.

Honnir nad oeddan nhw erioed wedi gweithio yn y swyddi y cawson nhw eu cyflogi i’w gwneud.

Mae ei wraig, Penelope Fillon, sy’n hanu o’r Fenni, yn mynnu ei bod hi wedi gweithio am y cyflog a gafodd gan ei gŵr.

Mae’r cyhuddiadau diweddaraf yn ergyd pellach i ymgais y cyn-Brif Weinidog i ennill yr etholiad arlywyddol er ei fod ar un adeg yn geffyl blaen yn y ras.

Mae Francois Fillon wedi’i gyhuddo o gamddefnyddio arian cyhoeddus, derbyn arian ar gyfer camddefnyddio arian cyhoeddus, ac o gynllwynio i gamddefnyddio arian cyhoeddus ymhlith cyhuddiadau eraill.

Mae wedi gwadu gwneud unrhyw beth o’i le ac wedi mynnu y bydd yn parhau a’i ymgyrch.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.